पाल्पा — सुख्खा पहिरो खस्दा पाल्पाको तिनाउ गाउँपालिका–१, कचलमा मंगलबार एक व्यक्ति वेपत्ता भएका छन् । कचलफाँट सिंचाइ आयोजनाको मुहान क्षेत्रमा भइरहेको काम अनुगमन गर्न जाँदा सुख्खा पहिरोले पुरेर अन्दाजी ५५ वर्षीय डिल बहादुर हिस्की वेपत्ता भएको दोभान प्रहरीले जनाएको छ । उनका अनुसार डोजर लैजान नमिल्ने भएकाले पनि खोजी कार्यमा समस्या भएको छ । मंगलबार दिउँसो अनुगमनका लागि दुई जना गएका थिए । घटनास्थल नजिकै चार जना कामदार काम गरिरहेका थिए । स्थानीय रेवन्तबहादुर छहरीका अनुसार उपभोक्ता समितिले काम गर्दै गरेकाले अनुगमन गर्न जाने गर्छन् । २०४५ सालतिर सुरु भएको कचल सिंचाइ फाँट योजना अझैसम्म पूरा भएको छैन ।