भारतमा प्रचण्ड गर्मीका कारण उड्दै गरेका चरासमेत झर्न थाले

तिनका अनुसार बाजजस्ता उचाइमा उड्ने चरासमेत दैनिक दजनौँ उड्न नसेको अवस्थामा भेटिन थालेको छ। बाटामा भेटिएका चराहरू पानीको कमीले कमजोर भएर उड्दा उड्दै झरेको अनुमान छ। बुधबार जीव–दया ट्रष्टले सञ्चालन गरेको अस्पतालमा अल–जजिराका पत्रकार पुग्दा पशु चिकित्सकहरू कयौँ चराहरूलाई सिरिन्जमार्फत पानी खुवाइरहेका थिए। केहीलाई पानीमा मल्टी–भिटामिनसमेत मिसाइएको थियो । गुजरातका स्वास्थ्य अधिकारीले बढ्दो गर्मीका कारण उत्पन्न हुने रोगको उपचारको लागि मानव अस्पतालमा विशेष वार्डको व्यवस्था गर्न निर्देशन जारी गरेका छन्। जलवायु परिवर्तनको असर, प्रचण्ड गर्मी र तातो लहर विश्वव्यापी जलवायु परिवर्तनका कारण संसार पछिल्लो समय बाढी, खडेरी, डढेलो र आँधी बढिरहेको छ। दक्षिण एशियामा आउने लू विगतमा भन्दा धेरै र थप बलशाली बन्दै गएको छ। यसको पछाडि पनि जलवायु परिवर्तनकै असर रहेको वैज्ञानिकहरूले बताएका छन्। ‘विश्वभर अहिले प्रचण्ड गर्मी र तातो हावाको लहर बलियो भन्दै गएको छ। यसका पछाडि मानवसिर्जित जलवायु परिवर्तन नै जिम्मेवार छ,’ युनिभर्सिटी अफ अक्सफोर्डका शोधकर्ता बेन क्लार्कले बताए।