प्युठान।आज आश्विन शुक्ल एकादशी अर्थात टीकाको दोस्रो दिन नवदुर्गाको प्रसादस्वरूप टीका थाप्न र आशीर्वाद लिन मान्यजनका घरमा जाने क्रम जारी छ।
विजयादशमीको दिन बुधबार नेपाल तथा विदेशमा रहेका नेपालीहरुले हर्षोल्लासका साथ टीका र जमरा लगाएका थिए। बिहीबार पनि बिहानैदेखि टीका लगाउनेहरु आफ्नो गन्तव्यतर्फ हिँडेका छन्।
९ दिनसम्म पूजा आराधना गरी देवी विसर्जन गरेपछि विजयादशमीका दिनदेखि सुरु भएको प्रसाद लगाउने र मान्यजनबाट आशीर्वाद लिने क्रम कोजाग्रत पूर्णिमाका दिनसम्म जारी रहन्छ।
