राधिका भुसाल प्युठान /स्वर्गद्धारी नगरपालिका ४ भिंगृ स्थित जिमुरपाटामा निर्माण गरिएको नर्सरीमा ८० हजार विरुवा तयार हुँदै छन।बिरुवा लगाउने सिजन नजिकिन थाले संगै सव डिभिजन बन कार्यालय भिंगृले बिरुवा तयार गरेको छ।
सव–डिभिजन वन नर्सरी प्यूठानले उक्त नर्सरीको हेरचार गर्दै आइरहेको छ।‘सात रोपनी जमिनमा नर्सरी तयार भएको बताउछन सहायक बन अधिकृत सितेश महतो ।‘बाख्रा पालन गर्ने व्यवसायीहरुले यस नर्सरीबाट विशेष लाभ लिन सक्नेछन् ।’ खाद्य संस्थानको भवन उपभोग गरिएको उनले बताए। खाद्य संस्थानको प्रयोग विहिन रहेको जमिनलाई यसरी सदुपयोग गरि नगरवासीको आवश्यकता पुरा गर्ने कोशिस गर्न पाएको खुसी व्यक्त गरे ।
‘हामीले जिल्ला भित्रको विभिन्न ठाउँबाट विउ संकलन गरि विरुवा तयार पारेका हौं ।’– उनले भने –‘ विरुवाहरु राम्रो हुर्केका छन् ।’ नगरवासीहरुले विरुवा लैजान एकदमै उत्साहित रहेको पटक पटक आफुहरुलाई सोध्न आउने समेत बताउछन सहायक बन अधिकृत महतो । ‘हामीले यी विरुवा कहिले पाउछौ ? किन्न पर्छ कि निशुल्क पाइन्छ ? के के विरुवा छन् ? भन्दै धेरै जना यहाँ सोध्न आइसक्नु भएको छ। विरुवा लगाउने सिजन बल्ल सुरु भएकोले अब ८ /१० दिन भित्रमा हामीले सितलचिनी बिरुवा वितरण जानकारी दिए।
गत आर्थिक वर्ष २०७५–०७६ मा निर्माण कार्य सुरु गरिएको नर्सरीमा स्वर्गद्धारी नगरपालिकाको ६ लाख बजेटमा निर्माण गरिएको थियो।तारबार गरि बाउन्डि गराउने, भवनमा शौचालय तथा खानेपानीको व्यवस्था गर्ने लगायतको भौतिक संरचनाको उक्त बजेट खर्चिएको स्वर्गद्वारी नगरपालिका नगर प्रमुख टेक प्रसाद भण्डारीले बताए।उक्त नर्सरीमा श्रीखण्ड, दाल्चिनी, टिमुर, सिसौ, कोइराल, मस्ला, बगेना, ताइलम, इपिलइपिल, किम्बु लगायतका विभिन्न जातको विरुवा उत्पादन भएका छन्।
नर्सरीबाट विरुवा लैजाने व्यक्तिले आफ्नो नाम ठेगाना दर्ता गरि आफुले लगाउन खोजेको विरुवा निशुल्क लैजान सक्ने छन।स्वर्गद्धारी नगरपालिकासंगै माण्डवी गाउँपालिकाको २ वटा वडा नयाँगाउँ र उदयपुरकोटका बासिन्दाहरुले पनि उक्त नर्सरीको कार्यक्षेत्र रहेको छ। 
