अस्तित्वको कवितासंग्रह “चिहानमाथि महल बनाइरहेको मान्छे” सार्वजनिक हुँदै

समकालीन नेपाली कविता लेखनका एक चर्चित कवि घनश्याम अस्तित्वको पहिलो कविता कृति "चिहानमाथि महल बनाइरहेको मान्छे" भोलि शनिबार काठमाडौंमा एक समारोहबीच सार्वजनिक हुँदैछ ।

प्युठानको धर्तीमा अवतरण गरेका घनश्याम अस्तित्व कविता, निबन्ध, कथा आदि साहित्यका विधामा कलम चलाउन पारङ्गत छन् । शिक्षण पेसामा आबद्ध उनको पहिलो कृति कवितासङ्ग्रह `चिहानमाथि महल बनाइरहेको मान्छे´ भोलि सार्वजनिक हुन लागेको हो । पछिल्लो दशकमा उनले लेखेका कविताहरु मध्येबाट साढे पाँच दर्जन कविताहरु यसमा संग्रहित छन्।

विगतदेखि नै फुटकर कविता लेख्दै आएका कवि घनश्याम अस्तित्वको कविता संग्रह भोलि शनिबारदेखि बजारमा आउन लागेको हो । बिएन पुस्तक संसारले प्रकाशन गरेको कविता संग्रह ‘चिहानमाथि महल बनाइरहेको मान्छे’ ७ गते दिउँसो २:३०बजे कुन्ज थिएटर थापागाउँमा विशेष समारोहबीच सार्वजनिक हुनेछ।

कविता संग्रह सार्वजनिक समारोहमा साहित्यकार श्यामल अधिकारी राधा कल्पित र सुरज रानाले कविताबारे विमर्श गर्नेछन्।