स्वर्गद्वारीमा कार दुर्घटना अपडेट ८ जनाकै पहिचान खुल्यो

प्युठान । स्वर्गद्वारीमा कार दुर्घटना हुँदा ज्यान गुमाउने ८ जनाकै सनाखत भएको छ । स्वर्गद्वारी दर्शन गरेर फर्कंदै गरेका तीर्थयात्रु बोकेको कार दुर्घटनामा परेको हो । लु १ च ६३४५ नम्बरको कार स्वर्गद्वारी नगरपालिकाको भिगृ नजिकै टाकुरामा दुर्घटना हुँदा कारमा सवार ८ जनाकै मृत्यु भएको जिल्ला प्रहरी कार्यालय प्यूठानका डिएसपी सुवास खड्काले जानकारी दिनुभयो ।
मृत्यु हुनेमा लमही नगरपालिका–५ का कार चालक ताराबहादुर कुमाल, लमही–७ वस्ने वर्ष ४० को गोविन्द शाह, उनकी श्रीमती वर्ष ३० की राधा नेपाली र छोरा वर्ष ९ को आदित्य शाह रहेको प्रहरीले जनाएको छ ।
प्रहरीका अनुसार तुल्सीपुर उपमहानगरपालिका–१५ बस्ने वर्ष ३५ की सरिता शर्मा पोख्रेल, उनका छोरा वर्ष १४ का विशाल पोख्रेल वर्ष ९ का विकास पोख्रेल र घोराही उपमहानगरपालिका–१५ का बर्ष ११ को शिशिर सुवेदी रहेको जिल्ला प्रहरी कार्यालय प्युठानका प्रहरी निरीक्षक सुशील थापाले जानकारी दिनुभयो।