प्युठान । सरुमारानी गाउँपालिका- ३ मा रहेका विद्यालयहरुमा शिक्षा प्रभावकारी बनाउन कम्प्युटर वितरण गरिएको छ ।
शुक्रबार एक कार्यक्रमको विच वडामा रहेको बालविकास देखि मावि सम्म रहेका ८ वटा विद्यालयका प्रधानाध्यापकहरुलाई सहभागि गराइ टेलिभिजन प्रदान गरिएको वडा अध्यक्ष भीम बहादुर मर्साग्ङीले जानकारी दिनुभयो । बालविकासमा पढ्ने विद्याथी तथा बच्चाहरु रुने , पढ्न मन नगर्ने, घर फर्कने गरेकाले मनोरञ्जन दिई पढाईमा पारदर्शीता ल्याउने उदेश्यले टेलिभिजन वितरण गरिएको अध्यक्ष मर्साग्ङीले बताउनुभयो । ८ सेट टेलिभिजन वितरण गर्दा १ लाख ५० हजार लागतमा सबै विद्यालयलाइ टेलिभिजन प्रदान गरिएको हो । कम्प्युटर वितरण गर्दा शिक्षामा आएको बजेटबाट विनोजित गरी व्यवस्था मिलाएको वडाले जनाएको छ ।
