स्वर्गद्वारी अपडेट प्युठान । उपप्रधानमन्त्री एवं गृहमन्त्री रवि लामिछानेले आफ्नो सुरक्षार्थ खटिने अगुवापछुवा गाडी हटाएका छन । गृहमन्त्री लामिछानेले ‘आफूमात्र उच्च सुरक्षा घेरामा हिँडडुल गरेर नागरिकको अपेक्षा पूरा नहुने बताउँदै आफ्नो अगुवापछुवामा हुने सुरक्षा टोलीलाई हटाएका हुन । गृहमन्त्रीको सुरक्षामा प्रहरी निरीक्षकको नेतृत्वमा हुने टोलीलाई पनि घटाएर उहाले प्रहरी नायब निरीक्षक सई को नेतृत्वको सुरक्षाकर्मी राख्दै आएका छन । ‘ उपप्रधानमन्त्री तथा गृहमन्त्रीको सवारी क्रममा रहने अगुवापछुवा सुरक्षाकर्मीसहितको गाडी हटाएर मैले आजैबाट अगाडि एउटामात्र गाडी सुरक्षामा राख्ने निर्णय गरेको छु, भैपरि आउदाको परिस्थितिलाई अपवाद मानिदिनुहोला शुक्रबार सामाजिक सञ्जाल फेसबुकमा स्ट्याटस लेख्दै उहाले स्पष्ट पार्नुभएको हो ।