स्वर्गद्वारी अपड्ट प्युठान ।प्रदेश १, गण्डकी, कर्णाली र सुदूरपश्चिम प्रदेशका पहाडी क्षेत्रका एक–दुई ठाउँमा आज शुक्रवार हल्का पानी पर्ने अनुमान गरिएको छ । हिमाली जिल्लामा हल्का हिमपात र तराईका जिल्लामा बाक्लो हुस्सु, कुहिरोको सम्भावना रहेको मौसमविद् विनु महर्जनले बताउनुभयो ।
देशभर अधिकतम र न्यूनतम तापक्रम घटिरहेकाले चिसो बढ्दै गएको छ । चिसो हावा र बाक्लो हुस्सु कुहिरोले जाडो अझ बढाएको छ । काठमाण्डौको न्यूनतम तापक्रम केही दिनअघिको भन्दा बढेको छ । तर अधिकतम तापक्रम लगातार घटिरहेको छ । अस्ति १७ दशमलव ४ डिग्री सेल्सियस रहेको काठमाण्डौको अधिकतम तापक्रम हिजो १६ दशमलव २ डिग्री सेल्सियसमा झरेको छ ।
जाडोयाममा आकाश खुल्यो भने राति र बिहान चिसो धेरै हुन्छ । न्यूनतम तापक्रम घट्छ । यस्तै दिउँसो पारिलो घाम लागे अधिकतम तापक्रम बढ्छ तर मौसम धुम्म भए घट्छ । हिजो आंशिक बदली भएकाले अधिकतम तापक्रम घटेको मौसमविद् विनु महर्जनले बताउनुभयो ।
आज काठमाण्डौको न्यूतनम तापक्रम ४ दशमलव ३ डिग्री सेल्सियस छ । अस्ति बुधवार काठमाण्डौको न्यूनतम तापक्रम ३ दशमलव १ डिग्री सेल्सियस थियो ।
हुस्सु र कुहिरोसँगै मौसम बदलीका कारण अधिकतम तापक्रम पनि घट्दै, चिसो झन् बढ्दै
पौष १५ गते २०७९
