समय : ०४:५० pm | आइतबार , श्रावण ६ गते २०८१

रम्दी स्वास्थ्य चौकीमा सामाजिक परिक्षण कार्यक्रम सम्पन्न

राधिका भुषाल | चैत्र ८ गते २०८०

प्यूठान । माण्डवी गाउँपालिका ५ रम्दीमा अवस्थित रम्दी स्वास्थ्य चौकीमा स्वास्थ्य सामाजिक परिक्षण कार्यक्रम सम्पन्न भएको छ ।

माण्डवी गाउँपालिका प्यूठानको आयोजनामा र स्काइल्याण्ड मल्टीमिडिया प्रा.लि. प्यूठानको सहजीकरणमा बिहिवार रम्दी स्वास्थ्य चौकीको भवनमा कार्यक्रम भएको हो । कार्यक्रममा बोल्दै माण्डवी गाउँपालिकाका स्वास्थ्य शाखा प्रमुख एवं कार्यक्रमका प्रमुख अथिति ध्रुब कुमार पोखरेलले प्राविधिक कारणले सुत्केरी प्रोत्साहन भत्ता सुत्केरी भइ घरजाने समयमा दिन नसकेको बताएका छन् । स्वास्थ्य चौकीको भवन जीर्ण अवस्था रहेको हुंदा स्वास्थ्यकर्मीहरुले सेवाग्राहीलाई दिने सेवा केही अफ्ठ्यारो भएको स्वीकारेका छन् । सहभागीहरुले सोधेको प्रश्नको जवाफ दिदै अब तुरुन्तै नयाँ भवनमा सरेमा सेवालाई चुस्त दुरुस्त राख्नेमा आफु विश्वत रहेको उनले बताए ।

आमा समुह, स्वयमसेवीका, महिला समुह, स्वास्थ्यकर्मी, जनप्रतिनिधि, शिक्षक, स्थानियवासी लगायतका करिब ४० जनाको सहभागीता रहेको थियो । रम्दी स्वास्थ्य चौकी प्रमुख भगवती सिंहले साघुरो भवनका कारण सेवाग्राहीलाई सेवा प्रदान गर्न कठिनाइ भएको बताउदै नया भवन गएसंगै सहज हुने बताइन् । कार्यक्रममा सञ्चारकर्मी सन्तोष सुनारले सेवाग्राहीसंगको मत सर्वेक्षण रिर्पोट प्रस्तुत गरेका थिए । राधिका भुसालले सञ्चालन गरेको कार्यक्रमको अध्यक्ष माण्डवी गाउँपालिका ५ रम्दीका वडा अध्यक्ष दुर्गा प्रसाद आचार्यको अध्यक्षतामा सम्पन्न भएको थियो ।

यसैगरी माण्डवी गाउँपालिका भित्रका पाँच वटै वडामा रहेका  पाँच वटै स्वास्थ्य चौकीहरुमा क्रमश सामाजिक स्वास्थ्य परिक्षण कार्यक्रम गर्ने आयोजकले जनाएको छ।

कमेंट गर्नुहोस

यो पनि पढ्नुहोस्

You cannot copy content of this page