समय : ०३:४० am | शनिबार , श्रावण ४ गते २०८१

चिन्ता छ

स्वर्गद्वारी अपडेट | जेठ १२ गते २०८०

बाबुराम पुरी

चिन्ता छ

देशमा आर्थिक मन्दीको अवस्थाले सरकारलाइ बजेट कसरी बनाउने भन्ने चिन्ता छ ।

न्युन आय भएका जनतालाइ साँझ बिहान चुल्हो कसरी बाल्ने चिन्ता छ ।

व्यापार व्यावसाय गर्ने वर्गलाइ बैंकको चर्को व्याज कसरी बुझाउने भन्ने चिन्ता छ ।

तस्करी र कालोबजारी गर्नेलाइ कर छली अनि भन्सार छली कसरी गर्ने भन्ने चिन्ता छ ।

मानव तस्करीलाइ प्रशासन प्रहरीको आँखा कसरी छलेर मानव तस्करी धन्दा चलाउने भन्ने चिन्ता छ।

जग्गा दलाल एवं भुमाफिया लाइ प्लटिङ एवं कित्ताकाट कहिले खुला होला भन्ने चिन्ता छ ।

सहकारी पिडितलाई आफ्नो निक्षेप कसरी फिर्ता लिने भन्ने चिन्ता छ भने संचालकलाइ कसरी उम्कने भन्ने चिन्ता छ ।

प्लस टु जेनेरेशन लाइ कसरी कुन देश जाने भन्ने चिन्ता छ ।

ऋणमा डुबेकाहरु लाइ कसरी पलायन हुने भन्ने चिन्ता छ ।

भ्रष्टाचारीलाइ कसरी अकुत कमाउने भन्ने चिन्ता छ ।

प्रहरी हिरासतमा हुने अभियुक्तलाई मुद्दा कसरी कमजोर बनाउन सकिन्छ भन्ने चिन्ता छ ।

कालो वजारीलाइ कसरी चर्को मुल्य असुल गर्ने भन्ने चिन्ता छ।

हो देश आज यिनै चिन्तै चिन्ताले दुब्लाएको छ ।

राजनितिको क्यान्सरले थला परेको छ ।

शहरवजार टु-लेटका ब्यानरले रंगिएका छन ।

देशमा अवसर नदेखेका युवा पुस्ता विदेशिने ध्याउन्नमा छन ।

सिंगो गाउँबस्ती उजाड अनि खण्डहर हुँदै छन ।

खेलमैदानमा खेलाडीको खडेरी छ।

यस्तै यस्तै छ हजुर यहाँको खवर ।

मान्छेको भिड आउने होइन जानेकै छ ।

यसरी देश बन्छ र कहाँ युवा नै मुग्लान पसेपछि ।

गुल्जार गाउँघर बन्छ र कहाँ मुग्लानी उतै फसेपछि ।

कमेंट गर्नुहोस

यो पनि पढ्नुहोस्

You cannot copy content of this page