गुल्मीमा युवा र चितुवाबीच भिडन्त

     सन्तोस सुनार ,प्युठान      भदौ २६  -  गुल्मीमा चितुवासँग भिडन्त हुँदा एक जना घाइते भएका छन् भने चितुवाको मृत्यु भएको छ । रेसुंगा नगरपालिका-६ निनीचौर निवासी ३० वर्षीय यम बहादुर कुँवर चितुवाको आक्रमणबाट घाइते भएका हुन् आइतबार बिहान कुखुराको फर्ममा काम गर्न जाँदा एक्कासी चितुवाले आक्रमण गरेपछि कुँवर र चितुवाबीच करिव १० मिनेट भिडन्त भएको थियो । चितुवाले ६१ वटा कुखुरा मारेको डिभिजन वन कार्यालय गुल्मीले जनाएको छ । कुँवरको प्रतिकारबाट चितुवाको मृत्यु भएको छ । कुँवरको गुल्मी अस्पताल तम्घासमा उपचार भइरहेको छ । । उनको शरीरका विभिन्न अंगहरुमा  चोट पटक लागेको छ ।  उनको स्वास्थ्य अवस्था अहिले खतरामुक्त रहेको  गुल्मी अस्पतालले जनाएको छ ।