१६ वर्षीया किशोरीलाई पालैपालो बलात्कार, ७ जना पक्राउ

स्वर्गद्धारी अपडेट,प्यूठान । जिल्ला प्रहरी कार्यालय बाँकेले बलात्कारको अभियोगमा बाँकेका ७ जनालाई पक्राउ गरेको छ । बैजनाथ ८ का हेमराज थारु, बिक्रान्त थारु, निराजन थारु, प्रविण थारु र राजकुमार थारुलाई बलात्कारको अभियोगमा पक्राउ गरिएको बाँकेका डिएसपी मधुसुदन न्यौपानेले जानकारी दिनुभयो । यस्तै बलात्कारको मतियारकारुपमा सहयोगी भुमिका खेलेका विश्वनाथ थारु र निर्देश थारुलाई पनि पक्राउ गरिएको न्यौपानेले बताउनुभयो । फेसबुकबाट माया बसेका प्रेमीले जन्म दिन मनाउन बोलाएर बाँके बर्दियाको सीमामा पर्ने मानखोलाको जङ्लमा १६ वर्षिया किशोरीलाई उनीहरुले सामूहिक बलात्कार गरेको पीडितले बयान दिएको प्रहरीले जनाएको छ । प्रहरीका अनुसार राप्तीसोनारीकी १६ वर्षिया ति किशोरीलाई फेसबुकबाट माया गरेका हेमराज थारुले शनिबार साँझ आफ्नो जन्म दिन मनाउन बाँके बर्दिया सीमानको मानखोलामा बोलाएका थिए । प्रेमी भेट्न पुगेकी ती किशोरीलाई मानखोलाकै जङ्लमा मदिरा खुवाई ५ जनाले पालै पालो बलात्कार गरेको पीडितले प्रारम्भिक वयान दिएको पनि प्रहरीले जनाएको छ ।