स्वर्गद्धारी अपडेट,प्यूठान । प्यूठानको रेडियो स्वर्गद्धारी एफ एमले महिलाहरुको लागी एक दिने आर्थिक क्षमता बिकास सम्बन्धी अन्तरक्रिया कार्यक्रम गरेको छ । आइतबार नौबहिनी गाउँपालिका बहानेको गंगा माबिमा उक्त कार्यक्रम गरेको हो । महिलाहरुलाई आय आर्जनसंग जोडेर जीवनस्तरलाई माथी उठाउन सहयोग भन्ने उद्देश्यका साथ कार्यक्रम सञ्चालन गरिएको रेडियो स्वर्गद्धारीका स्टेशन म्यानेजर लव कुमार अधिकारीले बताएका छन ।
कार्यक्रममा आर्थिक आय आर्जन,आयआर्जनका स्रोतहरु,स्वरोजगार , स्वरोजगारका फाइदा ,ब्यबसाय ,ब्यबसाय गर्दा ध्यान दिनुपर्ने उपाए , महत्व , स्थानिय स्तरमा महिलाहरुले गर्न सक्ने स्वरोजगारका अबसरहरु लगाएयतको विषयमा छलफल भएको थियो ।
रेडियो स्वर्गद्धारीका स्टेशन म्यानेर लव कुमार अधिकारीको अध्यक्षतामा सुरु भएको कार्यक्रममा नौबहिनी गाउपालिका वडा नं. ६ का वडा अध्यक्ष मान बहादुर केसी ,प्रमुख प्रशासकिय अधिकृत शिबराज पौडेल पत्रकार श्रीराम भण्डारी लगायतको आतिथ्यता रहेको थियो ।
नौबहिनी गाउपालिकाका ६० बढी महिलाको सहभागीतामा सञ्चालन गरिएको कार्यक्रमको सञ्चालन रेडियो स्वर्गद्धारीका प्राविधिक सहायक बबिता रिजालले गरेकी थिइन भने प्रशिक्षण रेडियो स्वर्गद्धारीका समाचार शाखा प्रमुख अनुज पछाईले गरेका थिए
