प्युठान।माण्डवी गाउँपालिका-२ मर्कावाङले आर्थिक वर्ष २०८२/०८३ का लागि सामाजिक सुरक्षा भत्ता परिचयपत्र बायोमेट्रिक प्रणालीमार्फत नवीकरण गरिने जानकारी दिएको छ।
वडा कार्यालयलले स्थायी ठेगाना राखी हाल अस्थायी रूपमा दाङ बसोबास गरिरहेका सामाजिक सुरक्षा भत्ता प्राप्त गर्ने सम्पूर्ण लाभग्राहीहरूलाई लक्षित गर्दै दाङको घोराहीमा नवीकरणको व्यवस्था मिलाएको हो।यस प्रक्रियाअन्तर्गत लाभग्राहीहरूले २०८२ साल भदौ ५ र ६ गते बिहान १०:०० बजेदेखि बेलुका ५:०० बजेसम्म नवलपुर घोराहीमा उपस्थित भई आफ्नो परिचयपत्र नवीकरण गराउनु पर्नेछ।
परिचयपत्र नवीकरणका लागि आवश्यक कागजातहरूमा हालसालै खिचिएको १ प्रति पासपोर्ट साइजको फोटो, राष्ट्रिय परिचयपत्र, सामाजिक सुरक्षा भत्ता लाभग्राही परिचयपत्र, नेपाली नागरिकताको प्रमाणपत्रको प्रतिलिपि प्रमाणपत्रहरू पर्नेछन्।
सामाजिक सुरक्षा भत्ता नवीकरण प्रक्रिया सरल, सहज र प्रभावकारी बनाउन यो विशेष कार्यक्रम दाङमा सञ्चालन गरेको सोही वडाका वडाध्यक्ष प्रकाश वलीले बताए।
सामाजिक सुरक्षा परिचय पत्र नवीकरण, व्यक्तिगत घटना दर्ता, अपांगता परिचयपत्र र राजस्व संकलन सेवा उपलब्ध हुने वडाध्यक्ष वलीले बताए।
थप जानकारीका लागि वडाध्यक्ष प्रकाश वलीलाई सम्पर्क गर्न सकिनेछ।
