प्युठान।गौमुखी गाउँपालिकाले एकल पुरुष भत्तामा १२ लाख बढी रकम खर्च गरेको छ।पालिकाले आर्थिक वर्ष २०७९/८० को नीति तथा कार्यक्रममा एकल पुरुषलाई पनि भत्ता दिने योजना ल्याएको हो।
स्थानीय सरकार सञ्चालन ऐन, २०७४ को दफा २४ मा स्थानीय तहले उपयोगिता सिर्जना हुने गरी अधिकतम प्रतिफल दिने कार्यक्रम छनौट गरी कार्यान्वयन गर्नुपर्ने व्यवस्था छ।तर पालिकाले आर्थिक वर्ष २०८०/०८१ मा प्रति एकल पुरुष एक हजारका दरले वार्षिक एकल पुरुष भत्ता वापत रु.१२ लाख ८ हजार खर्च गरेको महालेखा परिक्षक कार्यालयको अन्तिम लेखापरीक्षण प्रतिबेदनमा उल्लेख गरेको छ।
साथै आन्तरिक आय न्यून रहेको अवस्थामा वितरणमूखी बजेट विनियोजन गरी खर्च गर्ने कार्यमा नियन्त्रण गर्नुपर्ने महालेखाले औल्याएको छ।
बिगतलाई हेर्दा स्थानीय तहहरुको बजेट रकमान्तरलाई हेर्ने हो भने उत्पादक भन्दा अनुत्पादक क्षेत्रमा बढि खर्च भइरहेको देखिन्छ।
