जगत पोखरेल
झिमरुक नदीको कस्तो सान
रोपिन्छ सधैं फाँटमा गहुँ र धान
वारी र पारी बस्ति नै बसाई
हिडिरहेको झिमरुक सबैलाई हँसाई।
वारी र पारी डाँडा र पाख
बगिरहन्छ यो सधैं एकनास
जलस्रोत धनि छ राम्रो प्युठान ठाउँ
बिजुली बलेको छ यहाँ गाउँ गाउँ ।
हिउद र वर्षा सिंचाई दिन्छ
अन्न र पात उब्जाई दिन्छ
हावा र पानी सबै मिलेको ठाउँ
झिमरुक नदीको हो यसको नांउ।
चेरनेटा बाट हेर्दा देखिन्छ राम्रो
बस्ति र फाँट खैराको हाम्रो
बिकासमा यहाँ सबै ध्यान लगाउ
एकजुट भई काँधमा काँध मिलाउ ।
झिमरुक नदीको गौमुखी सिर
रुक्दैन कहिले बढ्छ अघि तिर
यहिँ नै हो प्युठानको प्यारो नदि राम्रो
जिउन दिएको छ गाँस बास हाम्रो ।
नाम अर्को छ धर्मावती हाम्रो
गौमुखी शिर ठाउ अति नै राम्रो
झिमरुक नदि चिनिन्छ यहाँ
प्युठान उज्यालो भइरहेको जहाँ ।
हजारौ खोला मिलि बनेको झिमरुक राम्रो
अन्न र पातको भण्डार हाम्रो
दुवै किनारा फाँट र बस्ति
हेर्दा प्युठान कति राम्रो छ नि ।
दिदीबहिनी भन्छन झिमरुक माडी
ऐरावती पुगी भेट हुन्छन यी दुवै जना
झिमरुक माडी त्यही मिसिन्छन दिदीबहिनी
ऐरावती भनि त्यसको नाम दिन्छन।
