सडकबाट चिप्लिएर खाडलमा खसे पनि हुँकार गर्देछन- गिरी

मोहन गिरी प्युठान।

भुलभुलैया

सडकबाट चिप्लेकाहरु
चिप्लिदै चिप्लिदै
खाडलमा खसेर पनि
अझै हुँकार गर्दै छन्
अझै नचिप्लिएको बाहाना गर्दै
चिच्याई रहेछन खाडलबाट
आहावान गरिरहेछन खाडलमा आऊ
कुर्लिरहेछन खाडल राम्रो छ
भुकिरहेछन खाडलबाट
माहोल राम्रो छ
भनिरहेछन “जनवाद”
भनिरहेछन “समाजवाद”
के छ र तिनीहरुलाई
“आफ्नो टाउको फुटेपछि
मितको टाउको बेलैसरी ”

    गिरी स्वर्गद्वारी बहुमुखी क्याम्पसको पुर्व क्याम्पस प्रमुख पनि हुन ।