२० जेठ, प्युठान ।जन्मस्थान मल्लरानी -४ बूढाचौर ,भन्ज्याङ प्युठानका हाल तुलसीपुर-८ दाङमा स्थायी रुपमा बसोबास गर्दै आउनुभएको चन्द्र शाहले आमा बुवाको स्मृतिमा झाक्रिस्थान मन्दिरमा प्रतिक्षालय निर्माण गर्नुभएको छ ।
खलँगा सरोकार समुह प्युठान मार्फत बुवा स्वर्गीय रण बहादुर शाह र आमा स्वर्गीय मन कुमारी शाह को सम्झनामा करिब २ लाख ५० हजार लगानीमा प्रतिक्षालय निर्माण गर्नुभएको हो। आमा मन कुमारी ०७१ सालसा ६७ वर्ष र बुवा रण बहादुरको २०७३ सालमा ७५ वर्षको उमेरमा निधन भएको थियो।
जिल्लाको मल्लरानी गाउँपालिका ४ मा पर्ने प्युठान जिल्लाको प्रसिद्द धार्मिकस्थल झाँकृस्थान मन्दिर हो।जिल्ला र जिल्ला बाहिर बाट दर्शन गर्नको लागि आउने सयौं संख्याका भक्तजनहरु अब प्रतिक्षालयमा बस्न सक्नेछन।शाहले प्रतिक्षालय निर्माण गरेपछि स्थानीय खुसी भएका छन्।आमा र बुवाको स्मृतिमा आवश्यक ठाउँमा सँरचना बनाउने प्रतिबद्दता गरेको थिएँ आज त्यो प्रतिबद्दता पुरा भएको बताउनुभयो।अब केहि छिटपुट काम बाँकी छ र छिट्टै नै यो सँरचना लाइ हस्तान्तरण गर्ने तयारीमा छौँ,शाहले बताउनुभयो ।साथै यस निर्माण कार्यमा प्रत्यक्ष र अप्रत्यक्ष सहयोग गर्नु भएका सबैलाई धन्यबाद समेत व्यक्त गर्नु भएको छ।आमा बुवाको नाममा सामाजिक काम गर्ने लामो समय देखिको इच्छा पूरा भएको भन्दै आगामी दिनमा पनि निरन्तरता दिईरहने बताउनुभयो।
