नौबहिनीमा दाँत रोग सम्बन्धि निशुल्क स्वास्थ्य शिविर सञ्चालन

स्वर्गद्वारी अपडेट प्युठान ।नौबहिनी गाउँपालिकामा दाँत रोग सम्बन्धि निशुल्क स्वास्थ्य शिविर सञ्चालन भएको छ ।प्युठान अस्पताल सम्म पहुच नभएका नागरिककाे सेवाका लागि वडा स्तरमा  बुधबारबाट शिबिर सन्चालन गरिएको हाे ।नौबहिनी गाउपालिका ६ काे लुङ स्वास्थ्य चौकीबाट शिबिरकाे थालनी गरिएको छ । जिल्ला अस्पताल प्युठानका दन्त चिकित्सक प्रमिला खनालले शिबिरकाे पहिलो दिन १ सय २५ जनाकाे दात परिक्षण गरेकाेमा ३५ जनाकाे दात फालिएको छ । यस्तै २५ जनालाई थप उपचारका लागि रिफर गरिएको गाउपालिका स्वास्थ्य शाखा प्रमुख ऋषिराम शर्माले बताएका छन् । शिबिरमा दात किराले खाएका , गिजा सुन्नियका, पाकेका समस्या भएको पाइएकाे छ ।गाउपालिकाले आर्थिक बर्ष २०७९/०८० काे बजेटबाट अस्पताल सम्म कम पहुच भएका नागरिककाे आँखा तथा दात सम्बन्धि शिबिर सन्चालन गरिएको प्रमुख प्रशासकिय अधिकृत शिबराज पौडेलले बताएका छन । पालिकाले यस अघि आखा शिबिर सम्पन्न गरिसकेकाे छ ।हरेक नागरिककाे शिक्षा , स्वास्थ्य र पुर्बाधारमा पहुँच सहित सुधार गर्ने गाउपालिकाकाे लक्ष्य रहेको र साेहि अनुसार कार्यक्रम अगाडि बढाइएको गाउपालिका अध्यक्ष दिल बहादुर थापाले बताए ।