प्युठान।माण्डवी गाउँपालिका-५ चकचकेमा भदौ २२ र २३ गते महिला तथा पुरुष भलिबल प्रतियोगिता हुने भएको छ।चकचके युवा क्लवको आयोजनामा भलिबल प्रतियोगिताको हुने आयोजकले जनाएको छ।
चकचके कोल्वट स्थित खेल मैदानमा हुने जुनियर खुल्ला भलिबल प्रतियोगितामा जुनियर पुरुष र जुनियर महिलाको समूहले भाग लिने छन्।
जुनियर खुल्ला पुरुष भलिबल प्रतियोगितामा प्रथम हुनेले नगद २५ हजार रुपियाँ द्वितीय हुनेले १५ हजार रुपियाँ, तृतीय हुनेले १० हजार रुपियाँ नगदसहित मेडल र प्रमाणपत्र प्रदान गरिने भएको छ।
जुनियर महिला भलिबल प्रतियोगितामा प्रथम हुनेले ६ हजार रुपियाँ, द्वितीय हुनेले ४ हजार रुपियाँ, तृतीय हुनेले २ हजार रुपियाँ नगदसहित मेडल र प्रमाणपत्र प्रदान गरिने युवा क्लवका सदस्य निर्मल केसीले जानकारी दिए।
