प्युठान।प्युठानमा एक लाख बढीको नक्कली मह नस्ट गरेको छ।सोमबार घरेलु कार्यालय प्युठानको रोहबरमा सो मह प्रहरीले नस्ट गरेको हो।
माघ १४ गते बुटवलबाट रोल्पा जाँदै गरेको ना ४ ख ७३४६ नम्बरको बसबाट प्रहरीले १७२ किलो ७ ग्राम अखाद्य मह जस्तो देखिने नियन्त्रणमा लिई परीक्षणका लागि नेपालगन्ज पठाएको थियो।
परीक्षणपछि सरकारले तोकेको मापदण्ड नपुगेको पुष्टि भएपछि घरेलु तथा साना उद्योग कार्यालय प्युठानले प्रहरी र सम्बन्धित निकायको रोहवरमा खाल्डो खनेर नष्ट गरेको निमित्त उद्योग अधिकृत मनि बहादुर गुरुङले जानकारी दिए।
बरामद नक्कली महको बजार मूल्य १ लाख ३ हजार ६२० रुपैयाँ रहेको प्रहरीले जनाएको छ।
