दाङमा मोटरसाइकल दुर्घटना, दुई जनाको ज्यान गयो

स्वर्गद्वारी अपडेट प्यूठान । दाङमा बिहान भएको मोटरसाइकल दुर्घटनामा दुई जनाको ज्यान गएको छ । दाङको सर्रा–सौडियार सडक खण्डमा रा ५ प ९५१४ नम्बरको मोटरसाइकल अनियन्त्रित  भएर पल्टिँदा घोराही उपमहानगरपालिका वडा नम्बर १६ का २१ वर्षका सुशील चौधरी र त्यही ठाउँका १८ वर्षका विवेक चौधरीको ज्यान गएको जिल्ला प्रहरी कार्यालय दाङले जनाएको छ । मृतकको शव पोष्टमार्टमका लागि राप्ती स्वास्थ्य विज्ञान प्रतिष्ठान घोराहीमा राखिएको छ।