प्युठान।गौमुखी गाउँपालिकाको कृषक व्यावसायिक किबी खेतीबाट मनग्य आम्दानी गर्न थालेका छन्।
गौमुखी गाउँपालिकाको रजवारा किबी खेतीका लागि उपयुक्त वातावरण भएकाले कृषक यस पेसातर्फ आकर्षित हुन थालेका छन् । सुरुमा एक पटक लगानी गरेपछि ४०/५० वर्षसम्म उत्पादन दिइरहने भएपछि किसान यो खेतीतर्फ आकर्षित भएका हुन्।गौमुखी गाउँपालिकाको -३ रजवाराका नरेन्द्र मल्ल शिक्षक पेशामा आवद्ध भएतापनि बाकी समय कृषि पेशामा रमाईरहेका छन।करिव १० रोपनी बढी जमिनमा किबी खेती गर्दै आएका छन्।
![](https://sworgadwariupdate.com/wp-content/uploads/2023/11/किबी-४-1024x542.jpg)
रजवारमा किबी खेतीको राम्रो सम्भावना देखेर यो व्यवसायमा लागेको कृषक मल्ल बताउछन ।उनले भने - “करिब ३ सय बोट किबी रहेको छ । २०७५ सालबाट सुरु गरेका हौँ”, उनले भने , “बजारमा किबीको मूल्य र माग दुवै छ । किबी रोपेर आम्दानी राम्रो भएको छ ।” “बिरुवा हुर्केर आम्दानी दिन ३ वर्ष लाग्ने रहेछ । युट्युब र किताब हेरेरै खेती गर्ने प्रक्रिया सिकेका हौ । सुरुमा २४ ओटा बिरुवा बाट सुरु गरेता पनि हाल भने ३ सय बोट रहेको कृषक मल्लको भनाई छ। किबी खेती सँगसँगै बिरुवा पनि बिक्री गर्ने गरेको उनले बताए ।
“ धेरै जमिन बाँझो भएर बसेको छ । धेरै युवाहरुले वैदेशिक रोजगारी लाई रोज्ने गरेका छन् । हामी गाउँमै आधुनिक खेती गर्नपर्छ भनेर लागीरहेका छौँ । यो खेती गरेपछि बाँदर र बँदेलले पनि दुःख दिएको छैन ।गत साल करिव ३ लाख जतिको किबी फल र १ लाख ५० हजार जतिको बिरुवा बिक्री गरेको मल्ल बताउछन।
उनको जमिनमा किबी खेती सगै टिमुर ,अलैची,ओखर,स्याउ, एभोकाडो र पाउलेनिया काठ समेत रहेको छ।किबी प्रती किलो चार सय देखी पाचँ सम्म पर्ने हुँदा बजारीकरणको कुनै समस्या नरहेको उनी बताउछन।
![](https://sworgadwariupdate.com/wp-content/uploads/2023/11/किवई-२-1024x578.jpg)
किबी समुद्री सतहबाट एक हजार दुई सय मिटरदेखि दुईहजार चार सय मिटर उचाइमा लगाइन्छ।यसलाई सिँचाइको आवश्यक पर्ने भए पनि वर्षामा पानी जम्न भने हुँदैन । किबी फललाई चाउरीपन, उच्च रक्तचाप, पोषण, छाला तथा मुटुका रोगीका लागि महत्वपूर्ण औषधिका रूपमा लिइन्छ ।