प्यूठानि गायक सन्जय श्रीपालको “एक मुठी परान”

केशर सुनार,प्यूठान । प्युठानको गौमुखी गाउपालिका–७ नारिकोटमा जन्मेका लोकप्रिय गायक तथा सङ्गितकार सन्जय श्रीपाल को नयाँ गीत “एक मुठी परान” सार्बजनिक भएको छ । आइतबार मात्र बजारमा आएको हो गीतले चर्चा कमाउने क्रममा रहेको छ । गीतमा तारा एअर दुर्घटनालाई गीतको माध्यम मार्फत देखाउन खोजिएको छ । म्युजिक भिडियो तारा एअर दुर्घटनामा ज्यान गुमाउनुभएका ब्यक्तिहरुको सम्झनामा कथा तयार पारीएको सङ्गितकार सन्जय श्रीपाल ले बताएका छ्न । गीतमा चर्चित गायक सन्जय श्रीपाल र गायिका सरिता सुनारको सुमधुर स्वर रहेको छ । गीतमा शब्द तथा सङ्गीत पनि श्रीपाल को नै रहेको छ । भिडियोमा तारा एअर दुर्घटना सम्बन्धी फुटेज हरु देख्न सकिन्छ । भिडियोमा प्रकाश परियारको छायांकन र विशाल बैरागिको निर्देशन रहेको छ । रेकर्डिङ गोबिन्द वलिले गरेका छन । त्यस्तै अनिल बिस्ट प्युठानिले सम्पादन गर्नुभएको छ । “एक मुठी परान” म्युजिक भिडियो जलराप्ती डिजिटल युटुब च्यानल मार्फत सार्बजनिक गरिएको छ । कास्कीको पोखराबाट गत आइतबार जेठ १५ गते बिहान ९ बजेर ५५ मिनेटमा जोमसोमका लागि उडेको तारा एयरको विमान दुर्घटना हुदा २२ जनाको ज्यान गएको थियो ।