प्यूठान।प्यूठानको नौबहिनी गाउँपालिकामा एक घरमा आगलागी भएको छ। आईतबार नौबहिनी गाउँपालिका-४ खबाङको मौरीबाङ निवासी भिम बहादुर पुनको घरमा विहान ६:३० बजेको समयमा आगलागी भई करिब ५ लाख बढीको बराबरको क्षति भएको नौबहिनी गाउँपालिका ४ का वडा अध्यक्ष भिम बहादुर घर्तिले जानकारी दिए।पुनले विहान चिया पकाएर खाएपछि उनी गाईभैँसीको दानपानी र सोत्तर गर्दा घरभित्र आगोको चुल्होको छेउमा दाउरा रहेको र उक्त दाउरामा लागेपछि आगो लागेको वडाध्यक्ष घर्तिले बताए ।
आगो लाग्दा घर भित्र रहेको अन्नपात , लत्ताकपडा र घर पुरै जलेर नष्ट भएको छ।उक्त स्थानमा प्रहरी पुगेको छ।उक्त स्थानमा नौबहिनी गाउँपालिकाका अध्यक्ष दिल बहादुर थापा पुगेर गाउँपालिकाले विपदमा छुट्याएको रकम बाट राहत दिने बताए।
