सुस्त मनस्थिति भएकी युवती माथि सामुहिक बलात्का

स्वर्गद्धारी अपडेट,प्यूठान । सुस्त मनस्थिति भएकी एक युवती माथि सामुहिक बलात्कार भएको छ । दाङको तुलसीपुर उपमहानगरपालिका ५ बस्ने युवति माथि ४ जना युवाहरुले सामुहिक बलात्कार गरेका हुन । बिहिबार राती तुलसीपुर–९ दोघरेस्थित एक नयाँ बन्न लागेको घरमा युवती माथि बलात्कार भएको जिल्ला प्रहरी कार्यालय दाङका प्रहरी प्रमुख तथा एसपी सुरेशप्रसाद काफ्लेले बताउनुभयो । एसपी काफ्लेका अनुसार बलात्कार गरेको आरोपमा तुलसीपुर–५ बस्ने २४ वर्षीय शंकर वि.क र २३ वर्षीय कमल चौधरी पक्राउ परेका छन् । २० वर्षीय र २२ वर्षीय अर्जुन परियार भने फरार रहेका छन् । फरार रहेका दुबै जनाको खोजि कार्य भइरहेको छ । उनीहरुले ललाई फकाई गरेर युवती माथि बलात्कार गरेका हुन । बलात्कारमा परेकी युवतीले घरमा गएर भनेपछि प्रहरीले शुक्रबार मात्र घटनाको बारेमा जानकारी पाएको थियो ।घटनाका बारेमा जानकारी पाउन साथ युवतीको स्वास्थ्य चेक गरिएको र दुई युवकलाई नियन्त्रणमा लिएको प्रहरी प्रमुख काफ्लेले बताउनुभयो । युवतीको स्वास्थ्य नर्मल रहेको पनि उहाँले जानकारी दिनुभयो ।