मासिक राशिफल जेठ २०७९

अवसरका लागि अलि दौडधुप गर्नुपर्ने समय छ। ठूलो आशा देखाउनेहरूबाट सावधान रहनुहोला। अरूकाे विचारमा सहमत बन्न नसक्दा विद्राेही भावना जागृत हुनेछ। तर अनावश्यक वादविवादबाट टाढै बस्नु बुद्धिमानी हुनेछ। धनमाल हराउने वा ठगीमा परिने सम्भावना देखिएकाले आर्थिक कारोबारमा सचेत रहनुहोला। सदाचारीहरूलाई भने फाइदै हुनेछ। दोस्रो सातादेखि स्थितिमा सुधार आउनुका साथै सामाजिक प्रतिष्ठा पाइनेछ। व्यवसाय र उद्योगधन्दामा राम्रो फाइदा मिल्नेछ। धन, उपभाेग्य वस्तु र बहुमूल्य धातुहरू संग्रह गर्ने समय छ। पढाइ, लेखन, संगीत र कलामा रुचि बढ्नुका साथै प्रतिभाले मान-सम्मान समेत दिलाउनेछ। परिवारमा भने असमझदारी बढ्न सक्छ।

चुनौतीसँग जुध्नुपरे पनि यस महिनामा केही उपलब्धि प्राप्त गर्न सफल भइनेछ। दृष्टिदाेष वा गलत चिन्तनले भ्रमित तुल्याउन सक्छ। वादविवाद, असमझदारी, आलोचना जस्ता विघ्नबाधा आउनेछन्। तर, आत्मविश्वास र दृढसंकल्पले लक्ष्यप्राप्ति हुनेछ। आलोचक र प्रतिद्वन्द्वीहरू नै कर्मयोगका प्रेरक बन्नेछन्। सकारात्मक चिन्तनले मनको डर इच्छाशक्तिमा रूपान्तरित हुनेछ। बलभन्दा बुद्धिविवेकले काम लिने चेष्टा गर्नुहोला, मिहिनेतले सफलताको उचाइमा पुर्याउनेछ। संघर्षको दौडमा प्रतिस्पर्धीहरू पछि पर्नेछन्। कामबाट नाम, दाम र प्रतिष्ठा आर्जन गर्न सकिनेछ। पद तथा जिम्मेवारी प्राप्त हुने बलियाे सम्भावना छ। स्थायी भन्दा अस्थायी पेसाबाट बढी फाइदा हुने समय छ।

खर्चिलाे कामले ऋणभार बढाउन सक्छ। लगानीको तुलनामा न्यून कर्मफल प्राप्त हुने समय छ। महत्त्वाकांक्षाले व्यावहारिक समस्या निम्त्याउन सक्छ। व्यापारमा मन्दी आउनेछ भने व्यवहारमा खर्च बढ्नेछ। उठ्नुपर्ने रकम अड्किन सक्छ। केही कार्ययोजना स्थगित गर्नुपर्ने हुन सक्छ। तापनि, चिताएको काममा आंशिक सफलता प्राप्त हुनेछ। पहिले गरिएका कामबाट राम्रो दाम प्राप्त हुनेछ। पेसा–व्यवसायबाट पनि नियमित आम्दानी भइरहनेछ। वादविवादबाट टाढै बस्नुहाेला, शुभचिन्तकहरूले साथ दिनेछन्। अनावश्यक दौडधुपले धन तथा समय खर्च गराउन सक्छ। आशा देखाएर ठगी गर्नेहरूले पनि सताउन सक्छन्। सरकारी निकायबाट हुने कडिकडाउको सिकार भइनेछ।

महिनाकाे प्रारम्भमा महत्त्वपूर्ण सामान वा धनमाल हराउने सम्भावना देखिएकाले सजग रहनुहोला। दाेस्राे सातादेखि व्यापार बढ्नाले आकस्मिक लाभ हुनेछ। नोकरी तथा राजनीतिमा विशेष लाभ हुनेछ। दिगो फाइदा हुने काम प्रारम्भ हुने समय छ। विभिन्न अवसरले पछ्याउनुका साथै खुसीको समाचार सुन्न पाइनेछ। रोकिएका काम सम्पादन हुनेछन् र आयआर्जनका स्रोतसमेत बढ्नेछन्। परिवारजनमा आत्मीय भाव बढ्नेछ। जीवनसाथीको सहयोगले थप लाभ र आनन्द मिल्नेछ। गरेका कामहरूको धेरैले प्रशंसा गर्नेछन्। प्रेम र मित्रताको बन्धन कसिनेछ। प्रतिस्पर्धी परास्त हुनेछन्। सेयर, व्यापार, कृषि तथा पशुधनबाट पनि यथेष्ट लाभ मिल्ने ग्रहयोग छ। भोगविलासका सामानसमेत प्राप्त हुनेछन्।

विगतका तारिफयाेग्य कामले मान–सम्मान र प्रतिष्ठा दिलाउनेछ। राजनीतिक पहुँच बढ्नुका साथै मिहिनेतले जीवनशैलीमा परिवर्तन आउनेछ। नोकरीमा प्रवेश वा पदोन्नति हुन सक्छ। विशिष्ट व्यक्तिहरूसँग मित्रता बढ्नेछ। लगनशीलताले सम्मानित स्थान दिलाउनेछ। दाम, इनाम र पुरस्कार प्राप्त गर्ने समय छ। व्यापार तथा उद्योगतर्फ लाभ उठाउने माैका छ। व्यावसायिक क्षेत्रमा थप लगानी बढाउन सकिनेछ। घर–परिवारमा भने केही समस्या आउन सक्छ। दाेस्राे सातादेखि स्वास्थ्य प्रतिकूल रहनाले काममा सक्रिय बन्न नसकिएला। तापनि भविष्यका लागि विशेष काममा जग बसाउने अवसर प्राप्त हुनेछ। खर्च लागे पनि समुदायको हक हितको संरक्षण गर्दै धेरैको भलाइ हुने काम गर्न सकिनेछ।

याे महिना केही उतारचढावमय रहनेछ। परिस्थितिसँग केही सम्झौता गर्नुपरे पनि दिगो काम प्रारम्भ हुनेछ। चुनौती देखिए पनि बुद्धिको उपयोगले समस्या सुल्झाउन सकिनेछ। तर, अत्यधिक परिश्रमले थकान र कमजोरी भने निम्त्याउनेछ। सरोकार नभएका विषयमा चासो राख्नाले वादविवादमा परिएला। परिस्थिति र आवश्यकता कर्मयोगका प्रेरक बन्नेछन्। लगनशीलताले बिस्तारै लक्ष्यमा पुर्याउनेछ। सुरुमा अरूका काममा समय खर्चनुपरे पनि कालान्तरमा फाइदा हुनेछ। नयाँ व्यवसाय प्रारम्भ गर्न सकिनेछ। धार्मिक तथा सामाजिक क्रियाकलापमा रुचि बढ्नेछ। बन्धुबान्धव तथा गुरुजनसँग आत्मीयता बढ्नेछ। वादविवाद पनि सम्झौतामा टुंगिनेछ। आफ्नो अभियानमा शुभचिन्तकहरूले साथ दिनेछन्।

अरूकाे हस्तक्षेपले काम राेकिन सक्छ। खराब व्यक्तिको विश्वासमा पर्नाले काममा धोका पाइएला। पारिवारिक मतभेदले आयमूलक काममा मन्दी आउनुका साथै आर्थिक अभावले सताउन सक्छ। कब्जियत र ढाड–कम्मर सम्बन्धी समस्याले सताउने देखिन्छ। चोटपटकको योग देखिएकाले सवारी एवं हातहतियारको उपयोग सावधानीसाथ गर्नुहोला। लामो सक्रियता पनि स्वास्थ्यका लागि बाधक बन्न सक्छ। चिताएका काममा वैधानिक हस्तक्षेप हुने समय रहेकाले सजग रहनुहोला। शुभचिन्तकहरूको साथले चुनौतीहरू पन्छाएर परिस्थिति अनुकूल बनाउन सकिनेछ। राजनीतिक तथा सामाजिक प्रभाव भने कमजोर रहनेछ। वादविवाद, थकान, आलस्य र अस्वस्थताले लक्ष्य प्राप्तिमा बाधा हुने देखिन्छ।    

यो महिनामा केही सावधानी अपनाउनुपर्ने देखिन्छ। आफन्तबाट टाढा भइनेछ। निकटजनहरूसँग असमझदारी बढ्न सक्छ। अरूको भरपर्दा काम बिग्रन सक्छ। विभिन्न अवसर आए पनि समयमा निर्णय लिन नसक्ता पछि परिनेछ। आफ्नै कमजोरीले परिवारजनमा असन्तुष्टि बढ्ने देखिन्छ। जीवनसाथीलाई पनि केही पीडा हुने ग्रहयोग छ। सरकारी कामकाजमा विलम्ब हुनेछ। तापनि सुखदुःखमा साथ दिनेहरू भेटिनेछन्। आस मारेको काम बन्नाले उत्साह जाग्नेछ। व्यवसायमा लगानी बढाउन सकिनेछ। दाेहाेर्याएर प्रयत्न गर्दा रोकिएका काम बन्न सक्छन्। रमाइला ठाउँको भ्रमण गर्ने मौका जुर्न सक्छ। घरखर्च बढ्नेछ भने आयआर्जनमा कमी आउन सक्छ। मिहिनेतले जीवनशैलीमा सुधार ल्याउन सकिनेछ।

भविष्यका लागि विशेष काममा जग बसाउने मौका छ। धन आर्जनका नयाँ स्रोत प्राप्त हुनेछन्। प्रतिष्ठाको संघर्षमा प्रतिस्पर्धीहरूलाई पछि पार्न सकिनेछ। विवाद तथा मुद्दाहरूमा आफ्नो पक्ष बलियो रहनेछ। प्रयत्न गर्दा विभिन्न अवसर प्राप्त हुनेछन्। विवाद तथा द्वन्द्व सम्झौतामा टुंगिनेछ। आफ्नो अभियानमा शुभचिन्तकहरूले साथ दिनेछन्। मित्रताको बन्धन कसिलो हुनेछ भने प्रेमले वैवाहिक मार्ग अवलम्बन गर्न सक्छ। कष्टसाध्य काम गर्नुपरे पनि लक्ष्य प्राप्त हुनेछ। हिम्मत गर्दा दिगो काममा जग बसाउने समय छ। शत्रुबाधा, मुद्दामामिला वा उल्झनहरूबाट मुक्ति मिल्नेछ। आर्थिक समस्या सुल्झनुका साथै भौतिक साधनहरू जुटाउन सकिनेछ। सामान्य उपलब्धिलाई गुणात्मक बनाउने चेष्टा गर्नुहोला।

स्वास्थ्य कमजाेर हुनाले काममा बाधा पुग्न सक्छ। अवसरका लागि समयमै सजग रहनुपर्ला। मौसमी समस्याले सताउन सक्छ, खानपान र विश्राममा विशेष ध्यान पुर्याउनुहोला। काम रोकिनाले उत्साहमा कमी आउनेछ। तर समस्या दर्साउँदा शुभचिन्तकहरूले साथ दिनेछन् र दोहोर्याएर प्रयत्न गर्दा अड्किएका काम सम्पादन हुनेछन्। परिश्रम गर्नेहरूलाई सम्भावनाका बाटाहरू प्रशस्त फेला पर्नेछन्। गुरुजनको प्रेरणाले हौसला र उपलब्धि प्राप्त हुनेछ। प्रयत्न गर्दा यात्राको अवसर प्राप्त हुनेछ। परोपकारी कामले सामाजिक प्रतिष्ठा दिलाउनेछ। सरोकार नभएका विषयमा चासो राख्ने बानीले भने व्यर्थैमा झमेला निम्त्याउनेछ, वादविवादमा अघि नसर्नुहोला। सन्तान र सहयाेगीका माध्यमबाट सुखप्राप्ति हुनेछ।

घर–जग्गा वा स्थायी सम्पत्तिमा केही विवाद आउन सक्छ। असंयम व्यवहारले समस्या निम्त्याउनेछ भने निकटजनहरूसँग बिनाकारण विवाद हुन सक्छ। उच्च महत्त्वाकांक्षाले प्रश्रय पाउने हुँदा बुद्धि–विवेकले काम लिन नसकिएला। उच्च रक्तचापले पनि सताउन सक्छ। परिवारिक असमझदारीले काम रोकिन सक्छ। विश्वासपात्रबाटै धोका हुने सम्भावना देखिन्छ। आफन्त र साथीभाइबाट समेत एक्लिनुपर्ने अवस्था आउन सक्छ। तापनि, मिहिनेतले परिस्थिति अनुकूल बनाउन सफल भइनेछ। प्रयत्न गर्दा अप्ठ्यारो ठानिएका काम पनि बिस्तारै सम्पादन हुनेछन्। कृषि र व्यापारमा सामान्य फाइदा हुनेछ। सगोलको सम्पत्तिमा भागबन्डा लाग्न सक्छ। नयाँ काम थालनी गर्न केही समय प्रतीक्षा गर्नुहोला।

विभिन्न अवसर जुट्नाले यो महिना लाभदायक रहनेछ। व्यवसाय र उद्योगधन्दामा राम्रो फाइदा मिल्नेछ। प्रतिष्ठित काम शुभारम्भ हुनेछ। राजनीतिक क्षेत्रमा पद–प्रतिष्ठा प्राप्त हुने ग्रहयोग छ। महत्त्वपूर्ण निर्णय लिने समय छ। शुभचिन्तकहरूले साथ दिनेछन् भने वैरभाव राख्नेहरूले हार खानेछन्। लामो समयदेखि रोकिएका काम सम्पादन हुनेछन्। नोकरीमा पदोन्नति वा सुगम स्थानान्तरण हुन सक्छ। शत्रु र रोगबाट छुटकारा मिल्नेछ। प्रयत्न गर्दा नोकरीमा प्रवेश, पदोन्नति वा सुगम स्थानान्तरण हुन सक्छ। घरमा सुख–समृद्धि बढ्नेछ। आर्थिक पक्ष सबल बन्नेछ। रमाइला क्षणको सहयात्री बन्न सकिनेछ। प्रतिष्ठित व्यक्तिहरू सहयोगीका रूपमा देखापर्नेछन्। मिहिनेतले नाम, दाम र इनाम दिलाउनेछ।