प्युठान।माण्डवी गाउँपालिकाले कर्मचारीको निधनप्रति आज शोक बिदा दिने निर्णय गरेको छ।गाउँपालिकाले शनिबारको निर्णय अनुसार वडा सचिवको निधनप्रति दुःख व्यक्त गर्दै आइतबार शोक बिदा दिने निर्णय गरेको हो ।
पालिकाका प्रमुख प्रशासकीय अधिकृत भिमकान्त भण्डारीले जारी सूचनामा वडा सचिवको असायमिक निधन भएका कारण गाउँपालिकाको कार्यालय र गाउँपालिका मातहतमा रहेका सबै कार्यालयहरुको आज शोक बिदा दिइएको उल्लेख छ।
माण्डवी गाउँपालिका -२ मर्कवाङमा कार्यरत वडा सचिव सहायक पाचौ तहका सचिव घनश्याम अधिकारीको बिहिबार निधन भएको थियो।पालिकाले सूचना प्रकाशित गरी उक्त विदा घोषणा गरेको हो।
