गरिबको घाउमा मलम बन्दै दारी ग्याङ प्यूठान

  अनुज पछाई , प्यूठान । आर्थिक अभाबको कारण उपचार हुन नसकेकाको लागी आर्थिक सङकलन गरेर सहयोग गर्ने कार्यमा अहिले दारी ग्याङ प्यूठान अग्र पङतिमा रहेको छ । जिल्लामा होस या जिल्ला बाहिर आर्थिक अभाबको कारण उपचारमा समस्या भोगिरहेकाहरुको दारी ग्याङ प्यूठान सहयोग गर्न पुगेकै हुन्छ । यसै सन्दर्भमा दारी ग्याङ प्यूठानले प्यूठान नगरपालिका १ मा बस्दै आएकी निरा सुनाको उपचारको लागी पनि आर्थिक सहयोग गरेको छ । गौमुखी गाउँ पालिका बाट बसाइ सरि प्युठान न पा १ खैरा मा बस्दै आएकी सुनारको घाँस काट्ने क्रममा रुख बाट लडेर करङ्ग भाचिएर फोक्सो सम्म पुगेको छ । श्रीमानले समान्य भारतमा मजदुरी गरेर जीवन निर्भाह गर्दै आएको उक्त परिवार अहिले ठूलो आर्थिक समस्यामा परेको छ । श्रीमतिलाई उपचार गर्नको लागी श्रीमानले भारतमा गर्दै आएको काम छोडेर फर्किन परेको छ जिल्लामा उपचार सम्भव नभएपछि अहिले अहिले लुम्बिनी प्रादेशिक अस्पताल बुटवल उपचार भैरहेको श्रीमान बिकास सुनारले बताएका छन । उनको अनुसार अहिले आर्थिक अभावको कारण निकै समस्या परेको छ । आर्थिक अभावकोको कारण उपचारमा समस्यया भएको खबर सुनेपछि दारी ग्याङ प्युठान ले विभिन्न ब्यक्ति हरु संग आर्थिक संकलन गरेको उक्त रकम आइतबार श्रीमान बिकास सुनार लाई नगद रु ११ हजार ६६५ हस्तान्तरण गरिएको दारी ग्याङ प्युठान का अध्यक्ष सुरज खनालले बताए । त्यस्तै केहिदिन अगाडी लुम्बिनी प्रादेशिक अस्पताल बुटवलमा उपचार गराइरहेका प्यूठान ऐरावतिका घन बहादुर थापा को उपचार को लागि पनि दारी ग्याङ प्यूठानले १० हजार ५५० रुपैयो हस्तान्तरण गरेको थियो । थापाको घर बनाउने मजदुरी गर्ने क्रममा बासँको भर्याङबाट लडेर मेरुदण्ड भाचिएको थियो । यसको साथै दारी ग्याङ प्यूठानले निःशुल्क सेनेटरी प्याड वितरण , रक्तदान कार्यक्रम लगायतका सामाजिक कार्य गर्दै आएको छ ।