प्युठान।जनता माध्यामिक बिद्यालय बिजुलीका शिक्षक मृत अवस्थामा फेला परेका छन्।प्युठानको ऐरावती गाउँपालिका वडा नं ६ बिजुली स्थित जनता मा.बि.मा सामाजिक बिषयमा अध्यापन गराउँदै आएका कैलालीका ३८ वर्षीय चन्द्रप्रकाश श्रेष्ठ लाई सोमबार बिहान ११ बजे ऐरावती-६ मडाई गाउँ नजिकैको गोरेटो बाटोमा घोप्टो परेको अवस्थामा स्थानीयले देखेपछि प्रहरीलाई खबर गरेका हुन ।
उनी आइतवार ऐरावती गाउँपालिकाबाट तालिम लिएर कोठामा फर्कने क्रममा बाटोमा अचानक मृत्यु भएको हुनसक्ने स्थानीयको अनुमान छ । जिल्ला प्रहरी कार्यालय प्युठानको टोली घटनास्थलमा पुगेर मुचुल्का उठाई शव पोस्टमार्टमका लागि जिल्ला अस्पताल बिजुवार लगिएको छ ।
