ढुंगाले लागेर स्कुल जाँदै गरेका विद्यार्थीको मृत्यु

स्वर्गद्धारी अपडेट,प्यूठान । बाटो खन्ने क्रममा ढुंगाले लागेर स्कुल जाँदै गरेका एक जना विद्यार्थीको मृत्युु भएको छ । गुल्मिको मुसिकोट नगरपालिका वडानम्बर–३ निवासी १४ वर्षका गगन रायमाझीको मृत्यु भएको जिल्ला प्रहरी कार्यलय गुल्मीका प्रहरी नायव उपरीक्षक (डिएसपी) माधवराज खरेलले जानकारी दिनु भयो । मृतक रायमाझीलाई बिहीबार बिहान स्कुल जाने क्रममा निर्माणकार्य चलिरहेको सडकमा जेसिबिले फालेको ढुंगाले लागेर घाइते भएका थिए । उनको स्थानीय स्वास्थ्य चौकीमा सामान्य उपचारपछि थप उपचारको लागि गुल्मी अस्पतालमा ल्याउने क्रममा बाटोमै मृत्यु भएको प्रहरीले जनाएको छ । मृतक रायमाझीको सव पोष्टमार्टमको लागि गुल्मी अस्पतालमा ल्याइएको छ । घटना बारे थप अनुसन्धान भइरहेको प्रहरी नायव उपरीक्षक खरेलले बताउनु भयो ।