सेप्टी ट्यांकी भित्र १६ दिनको शिशुको शव फेला

स्वर्गद्धारी अपडेट,प्यूठान । दाङमा एक नवजात शिशुको शव शौचालयको सेप्टी ट्यांकी भित्र फेला परेको छ । दाङको राप्ती गाउँपालिका वडा नम्बर ३ मसुरीया निवासी १५ वर्षिय आमाले जन्माएको १६ दिनको शिशुको बुधबार बिहान घर पछाडि रहेको सेप्टी ट्यांकी भित्र मृत अवस्थामा फेला परेको इलाका प्रहरी कार्यालय भालुवाङले जानकारी दिएको छ । आमा र बच्चा सँगै सुतेको तर बिहान बच्चालाई स्थानीय छिमेकीले नदेखेपछि खोज्ने क्रममा विहान घर पछाडिको सेप्टी ट्यांकीमा मृत अवस्थामा फेला पारि प्रहरीलाई खवर गरेका थिए । प्रहरीका अनुसार ती नवजात शिशुलाई मारेर फालेको हुन सक्ने प्रहरीले बताएको छ । मृतक शिशुको आमालाई प्रहरीले नियन्त्रणमा लिएर घटना बारे थप अनुसन्धान भइरहेको प्रहरीले बताएको छ ।