सर्पको टोकाइबाट एकको मृत्यु, एक जना घाईते

स्वर्गद्धारी अपडेट,प्यूठान । दाङमा सर्पको टोकाईबाट एक जनाको मृत्यु भएको छ भने एक जना गम्भीर घाइते भएका छन । मृत्यु हुनेमा दाङको राप्ती गाउँपालिका २ लालमटियाका ६८ वर्षीया सुमित्रा कुमाल रहेको जिल्ला प्रहरी कार्यालय दाङले जनाएको छ । कुमाललाई मंगलवार आफ्नै बारीमा गएको समयमा सर्पले डसेको थियो । तर कुन सर्पले डसेको भन्ने खुल्न सकेको छैन । त्यसैगरी सर्पको टोकाईबाट घोराही उपमहानगरपालिका १३ वनगाउँ बस्ने प्रदिप बुढामगर घाइते भएका छन । मगरलाई मंगलबार दिउँसो ३ बजे बाटोमा हिड्ने क्रममा सर्पले डसेको प्रहरीले बताएको छ । घाइते मगरको राप्ती स्वास्थ्य विज्ञान प्रतिष्ठान घोराहीमा उपचार भइरहेको छ ।