२ जना बाख्रा चोर पक्राउ

स्वर्गद्धारी अपडेट,प्यूठान । बाख्रा चोरी गरेको आरोपमा दाङको देउखुरीबाट २ जना पक्राउ परेका छन् । शुक्रबार राती करिव १० बजेको समयमा राप्ती गाउँपालिका वडा नम्बर ८ पिपरी निवासी घरभाँडामा बस्ने कल्पना गुरूङको खोरबाट बाख्रा चोरी भएको थियो । चोरले १ वटा बाख्री, १ वटा बोका र १ वटा खसी गरी ३ वटा बाख्रा चोरी गरेको थियो । बाख्रा चोरी गरेको आरोपमा इलाका प्रहरी कार्यालय सिसहनियाँले सोही ठाउँका ४२ वर्षिय दलबहादुर चौधरी र ४५ वर्षिय बलिराम चौधरीलाई पक्राउ गरेको छ । पक्राउ मध्य दलबहादुर चौधरीले आफ्नो घरमा लगेर बाख्रा बाँधेको खवर स्थानीयले प्रहरीलाई दिएका थिए । स्थानीयको खवर पाएपछि खोजतलास गर्ने क्रममा प्रहरीले शनिबार राप्ती नदी छेउमा हिडिरहेको अवस्थामा दलबहाद चौधरीलाई पक्राउ गर्न सफल भएको इलाका प्रहरी कार्यालय सिसहनियाँले जानकारी दिएको छ । पक्राउ परेका दलबहादुर चौधरीको बयानको आधारमा बलिराम चौधरी पनि पक्राउ परेका हुन् ।मदिरा सेवन गरेपछि उनिहरुले बाख्रा चार्ने योजना बनाएका थिए ।