प्युठान।प्युठानको सरुमारानी गाउँपालिकामा ५८ जना युवा राष्ट्रिय स्वतन्त्र पार्टी(रास्वपा)मा प्रवेश गरेका छन्।आइतबार पालिकावासी युवाहरु बिभिन्न पार्टी परित्याग गरि रास्वपामा प्रवेश गरेका हुन्।
सरुमारानी गाउँपालिका-२ दर्भानमा रास्वपा प्युठानले घरदैलो अभियान संचालन गर्दै गर्दा ति युवाहरु पार्टी प्रवेश गरेको माण्डवी गाउँपालिकाका सभापति बोम सुनारले बताए।
आज युवाहरुले पार्टी सदस्यता लिनु भनेको ब्यक्तिहरुको प्रवेश मात्र नभई आशा,उत्साह र उर्जाको प्रवेश भएको भन्दै राजनीतिकलाई सरल र सहज बनाउने आधार युवाहरुमा सुम्पिएको समेत प्युठानबाट रास्वपाका प्रतिनिधि सभा सदस्य उम्मेदवार शुसान्त वैदिकले बताए।
सरुमारानी सँगै प्युठानका अन्य स्थानीयतहहरुमा रास्वपामा प्रवेश गर्ने युवाको लहर चलेको पार्टी श्रोतले जनाएको छ।
