प्युठान।मंसिर ११ र १२ गते दुई दिनसम्म धनाञ्जय गोत्रीय भण्डारीहरुको भव्य रुपमा कुल पुजा सम्पन्न भएको छ। अन्य समुदायको भन्दा ठुलो संख्यामा निकै ठुलो तामझामका साथ मनाईने भण्डारीहरुले कुलपुजा शुक्रबार सम्पन्न भएको हो।
नौबहिनी गाउँपालिका -८ लुप्लुङ्ग स्थित भण्डारीहरुले संग्रहालय (देउघर) समेत निर्माण गरेका छन्।प्रत्येक पाँच वर्ष मनाईने भण्डारीहरुको कुलपूजामा अहिले करिव ६ हजार पाठाहरुको बलि चढेको थियो।
भण्डारीका अनुसार परापुर्वकालमा सिन्धुघाँटीबाट भारत हुँदै धनञ्जय गोत्रिय भण्डारीहरु पश्चिम नेपालमा प्रवेश गरेका थिए।लामो समय सम्म खसहरुले राज्य गरेको सिंजा राज्यको भण्डारे काम अर्थात कोषाध्यक्ष जस्तो महत्वपुर्ण जिम्मेवारी निभएका उनिहरुलाई भण्डारे-भण्डारे भन्दा भन्दै पछि भण्डारी थर राख्न थलिएको बताईन्छ।
विस्तारै वाईसे चौविसे राज्यकालको विकासका क्रममा उनिहरु पुर्वि नेपालका विभिन्न राज्यहरुमा समेत भण्डारीका रुपमा पुगेका र देशैभर छरिएर बसेका थिए।उनिहरुको उद्गम थलो जुम्ला र त्यस आसपासका गाउँबाट उनिहरु दोश्रो पुस्ताको उद्घम थलोका रुपमा प्युठानको लुप्लुङ्ग गाउँमा वसेको र त्यहाँबाट गुल्मी धुर्कोटे मल्लराजको भण्डारे बन्नका लागि जितुर जैरथ नाम गरेका भण्डारीहरु आएको किम्बदन्ती रहेको छ।
अहिले देशभर छरिएर वसेका भण्डारीहरु मुख्य रुपमा प्युठानको लुप्लुङ्ग ,गुल्मीको धुर्कोट, काँस्कीको ढिकुरा पोखरी भण्डारीहरुको प्रमुख केन्द्र मानिन्छ।
