बुटवल । सिद्धार्थ पव्लिकेशन प्रालिको वार्षिक साधारणसभा सम्पन्न भएको छ । आईतबार बुटवलमा एक समारोहका बिचमा संस्थाको वार्षिक साधारणसभा मनाईएको हो । सिद्धार्थ पव्लिकेशन प्रालिद्वारा प्रकाशित राष्ट्रिय दैनिक लुम्बिनी ३८ औँ वर्ष प्रवेशको अवसरमा प्रालिको साधारणसभा मनाईएको हो ।
साधारण सभामा संस्थाका अध्यक्ष मोहन चापागाईंको वार्षिक प्रतिवेदन, भावि कार्ययोजना, प्रगति विवरण, लेखा प्रतिवेदन पारित समेत भएको थियो ।
निजि क्षेत्रबाट निरन्तर प्रकाशित पहिलो पत्रिका अहिलेसम्म ३८ औँ वर्षसम्म पुगेको बताउँदै यसलाई यहाँसम्म पुराउन सहयोग गर्ने सबैलाई धन्यवाद ज्ञापन समेत गरे । सो अवसरमा बोल्दै अध्यक्ष चापागाईंले संस्थापक सम्पादक स्व. कर्ण बहादुर कार्की, पूर्व अध्यक्ष तथा प्रवन्ध निर्देशक स्व. ऋषि ज्ञवाली लगायतका पूर्व नेतृत्वकर्ताका कारणले यहाँसम्म आईपुगेको बताए ।
पूर्व अध्यक्ष एवं सञ्चालक मान बहादुर विश्वकर्माले अहिलेको विषम परिस्थीतिमा पनि पत्रिकालाई बलियो रुपमा बनाउन सञ्चालक मात्रै नभई शेयर सदस्यहरुको परिश्रमबाट अहिलेसम्म भएको बताए । सञ्चालक महेश्वर रिजालले पत्रिका र कम्पनी यहाँ सम्म ल्याईपुर्याउने अहिलेका र यस अघि योगदान दिईएका ब्यक्तिहरुको चर्चा र स्मरण गरेका थिए ।
सञ्चालक सिमा पौड्यालले लगानी रहेको कार्यालयमा सहभागि हुन आग्रह गरिन् ।
सो अवसरमा शेयर सदस्य राजु पाण्डेले नयाँ मिडियालाई फरक धार बनाएर चलाउनुपर्ने बताउँदै आवश्यक सहयोगको लागि प्रतिबद्धता ब्यक्त गरे ।
शेयर सदस्य पदम कार्किले राष्ट्रिय एकता दिवसको सन्दर्भमा साधारणसभा मनाईएको बताउँदै उनले पत्रिका प्रतिको मोह बढि रहेको बताए । उनले स्मृतिमा आफ्नो योगदानको स्मरण भईरहने बताए ।
शेयर सदस्य महेन्द्र राज शाक्यले पत्रिकाले राम्रो गरेको बताउँदै थप सफलताको शुभकामना दिए । यो मन्दीको समयमा पनि पत्रिकाको प्रगति राम्रो भएको बताउँदै मिडिया बचाउनु हाम्रो उत्तरदायीत्व रहेको बताए ।
शेयर सदस्य सविता पन्त पराजुलीले समय समयमा पत्रिकामा पुगेर कामको अवलोकन र नयाँ नयाँ योजनामा सहयोग गर्न आग्रह गरिन् ।
साधारणसभामा टिका बहादुर गोदार, दिलिप कुमार कार्की, राधिका थापा क्षेत्री (बिन बहादुर कुँवर) लगायतको सहभागिता रहेको थियो।
