प्युठान।माण्डवी गाउँपालिकाको मुख्य बजार क्षेत्रको फोहोर ३ महिना पछी उठेको छ।सोहि बजार क्षेत्रको स्थानीयवासी,वडा अध्यक्ष धनेन्द्र कार्की र होटल व्यवसायीहरुले छरपस्ट छहरिएको फोहोर उठाएका हो।
शनिबार जस्पुर बजार क्षेत्र र माडी खोलाको किनारमा रहेको फोहोरको डंगुर व्यवस्थापन गरेको माण्डवी गाउँपालिका वडा -३ वडाध्यक्ष धनेन्द्र कार्कीले बताए।‘पालिकाले फोहोर व्यवस्थापनमा ढिला गरको हो।’उनले भने,‘माण्डवी गाउँपालिकामा फोहोर व्यवस्थापनमा छुट्याइएको बजेट वडालाई प्रयोग गर्न दिने हो भने फोहोर सहजै व्यवस्थापन गर्न सकिन्छ।’माण्डवी गाउँपालिका वडा-३ को झाङबाङ्ग खोला स्थित व्यक्तिगत जमिन प्रयोग गरि फोहोरको खाडल तयार गरेको अध्यक्ष कार्कीले बताए।अब माण्डवीमा फोहोर मैला व्यवस्थापन दीर्घकालीन रुपमा समस्या सामाधान हुने समेत विस्वास लिएको उनले बताए।
आइतबार फोहोर उठाउने ट्याक्टरमा वडा अध्यक्ष कार्की आफै बसेर बजार क्षेत्रका फोहोर उठाएका छन्।
