प्यूठान।प्यूठानमा ट्याक्टर दुर्घटना हुदा एक जनाको मृत्य भएको छ।शुक्रबार प्यूठानको झिमरुक गाउँपालिका–३ लामासेरामा रा १ त ५०५३ नम्बरका ट्याक्टर दुर्घटना हुँदा गौमुखी गाउँपालिका–६ लिवाङका १९ वर्षीय बिरेन्द्र बोहोराको ज्यान गएको वडा अध्यक्ष मिन बहादुर खत्रीले जानकारी दिए।
बाग्दुला–मच्छी –गौमुखी सडकखण्डको झिमरुक गाउँपालिका–३ स्थित क्रसर र झोलुङ्गे पुलको बिचबाट बेलुकी ६:२० बजे ट्याक्टर करिब एकसय मिटर तल झिमरुक खोलामा खसेर दुर्घटना भएको वडाअध्यक्ष खत्रीले बताए।मृतक बोहोराको शव पोष्टमाटमको लागी जिल्ला अस्पताल विजुवार ल्याइएको प्रहरीले जनाएको छ।ट्याक्टरमा के कति सवार थिए भन्ने बारे अहिले केही खुलेको छैन ।
