रिलायबल नेपाल लाइफ इन्सुरेन्स लिमिटेडको अभिकर्ता उत्प्रेरणा कार्यक्रम

  सन्तोष सुनार , प्यूठान । रिलायबल नेपाल लाइफ इन्सुरेन्स लिमिटेड शाखा कार्यालय बाग्दुला प्यूठानले सनिबार एक कार्यक्रमको साथ अभिकर्ता उत्प्रेरणा तथा तालिम कार्यक्रम सम्पन्न गरेको छ । रिलायबल नेपाल लाइफ इन्स्योरेन्स लुम्बििनी प्रदेश प्रमुख सुरेन्द्र थापाले कार्यक्रममा उपस्थित अभिकर्तालाई रिलायबल नेपाल लाइफ इन्स्योरेन्स लिमिटेड ले प्रदान गर्दै आएको सेवा सुबिधा लगायतको बारेमा जानकारी दिएका थिए । प्यूठान जिल्लाका विभिन्न स्थानमा रहेका ४५ बढी अभिकर्ताको सहभागीतामा उक्त कार्यक्रम गरिएको हो । कार्यक्रममा उपस्थित भएका प्रदेश प्रमुख थापाले सस्था २०६४ सालमा दर्ता भई २०७४ सालबाट निरन्तर कारोबार गर्दै आएको बताएका छन । त्यस्तै कार्यक्रममा सहभागी अभिकर्ताहरुको लागी विमा योजना , बजार व्यबस्थापन गर्न सकिने तरिका तथा बचत आदिको बारेमा प्रमुख थापाले जानकारी गराएका थिए । प्यूठान जिल्लामा भने २०७७ साल फागुन २४ गतेबाट सञ्चालनमा रहि कारोबार गर्दै आएको छ रिलायबल नेपाल लाइफ इन्सुरेन्स लिमिटेड शाखा कार्यालय बाग्दुलाका प्रमुख युवराज रेग्मिले बताएका छन । नव बर्ष २०७९ सालको सुभारम्भ संगै शुक्रबारदेखि लागु हुने गरि विशेष सुबिधाको साथमा रिलायबल बाल सुलभ जीवन बिमा योजना पनि कार्यान्वयनमा आएको प्यूठान शाखा प्रमुख रेग्मिले बताए ।