प्यूठानका ५ पालिका प्रमुख पुनः टिकट पाउन सफल

  अनुज पछाई , प्यूठान । वैशाख ३० गते हुने स्थानीय तह निर्वाचनका लागि सोमबार नेपाली काँग्रेस, नेकपा (एमाले), नेकपा (माओवादी केन्द्र)लगायतका दलहरूले उम्मेदवारी दर्ता गराएका छन् । उम्मेदवार टुङ्ग्याउन सकस भएपछि ठूला दलले सोमबारमात्रै उम्मेदवारी दर्ता गराएका हुन् । प्यूठानका केही पालिकामा काँग्रेस, एमाले र माओवादी केन्द्रबाट निर्वाचित जनप्रतिनिधिले पुनः टिकट पाउन सफल भएका छन् । नगरपालिकाको प्रमुख, उपप्रमुख तथा गाउँपालिकाको अध्यक्ष, उपाध्यक्ष भइसकेका जनप्रतिनिधिले पुनः अर्को कार्यकालका लागि पार्टीबाट आधिकारिक टिकट पाउन सफल भएका छन् । ती दलबाट निर्वाचित भएर पालिकाको नेतृत्व गरेका ५ जना पुनः उम्मेदवार बनेका छन् । गौमुखि गाउपालिकाको अध्यक्षमा काँग्रेसबाट विष्णु गीरीले पुनः उम्मेदवार बनेका छन् । विसं २०७४ को निर्वाचनमा उहाँ गौमुखिको निर्वाचित हुनुभएको थियो । गौमुखिको उपाध्यक्षमा निर्वाचित तुल्सा सुनारले भने यसपटक टिकट पाउनुभएन । गौमुखिको उपाध्यक्षमा नेकप माओबादी केन्द्रका नेता महाबिर रानालाई उम्मेदवार बनाएको छ । नोैेबहिनी गाउपालिकाको अध्यक्षमा नेपाली काङग्रेसबाट शिब रिजाल पुनः उम्मेदवार बनेका छन् । गत निर्वाचनमा उनी गाउँपालिकाको अध्यक्षमा निर्वाचित भएका थिए । त्यस्तै उपाध्यक्षमा नौबहिनी गाउपालिकाकाउपहिलो उपाध्यक्ष धन बहादुर बुढालाई नै उमेदबार बनाइएको छ । सरुमारानीकोे अध्यक्षमा एमालेबाट झग बहादुर बिश्वकर्मालाई पुनः उम्मेदवार बनेका छन् । गत निर्वाचनमा विश्वकर्मा गाउँपालिकाको अध्यक्षमा निर्वाचित भएका थिए । गाउँपालिकाका उपाध्यक्ष मिना सौमैलेभने टिकट पाइनन् । माण्डबी गाउपालिकाको अध्यक्षमा एमालेबाट श्रीधर रोका दोहोरिएका छन् । उनी दुवै जना गत निर्वाचनमा निर्वाचित भएका थिए । त्यस्तै ऐरावति गाउपालिकाका अध्यक्ष नबिलबिक्रम शाह लाई पनि ऐरावति गाउपालिकाको अध्यक्ष पदको लागी नेपाली काङग्रेसले टिकट प्रदान गरेको छ ।