प्यूठान नगरपालिकाको मेयर माओबादीले पायो ः पुन कक्षपति नै मेयमा सिफारिस

अनुज पछाई , प्यूठान । आसन्न स्थानिय तह निर्बाचनमा सत्ता गठवन्धनले प्यूठान नगरपालिकाको मेयरमा नेकपा माओवादी केन्द्र र उपमेयरमा नेपाली कांग्रेसलाई दिने निर्णय गरेको छ । अब प्यूठान नगरपालिकामा माओवादीबाट मेयरमा पूनः अर्जुन कुमार कक्षपती दोहोरिदै छन् भने कांग्रेसबाट उपमेयरमा यस अघि मेयर पदमा उठेका देबेन्द्र बर्मा लड्दै छन् । प्यूठान नगरपालिकामा अब कांग्रेसलाई ५ वटा वडा अध्यक्ष परेको छ । वडा नम्वर १, २, ६,७ र ८ कांग्रेसलाई र माओवादीलाई तीन वटा वडा अध्यक्षमा वडा नम्वर ३, ४ र ९ दिइएको छ । राष्ट्रिय जनमोर्चालाई वडा नम्वर ५ र १० को वडा अध्यक्ष दिने सहमती भएको स्रोतले जनाएको छ ।