दुई वर्षपछि भौतिक उपस्थितिमा विद्यार्थीले दिए एसइई परीक्षा

  अनुज पछाई, प्यूठान । यस वर्षको माध्यमिक शिक्षा परीक्षा (एसइई) शुक्रबारबाट प्यूठान सहित देशभर एकैसाथ सुरु भएको छ । परीक्षाको पहिलो दिन जिल्लाभर शान्तिपूर्ण रुपमा परीक्षा सञ्चालन भएको जिल्ला स्तरीय परीक्षा बोर्डले जनाएको छ । जिल्लाभर १६ परीक्षा केन्द्रबाट एकैपटक परीक्षा सञ्चलन गरेको छ । प्यूठानमा यस बर्ष ४३ सय ९३ जनाले एसइइको आबेदन भरेका थिए । जसमध्य शुक्रबार ४२ सय ६३ जना बिद्यार्थी परीक्षामा सहभागीता रहेको शिक्षा विकास तथा समन्वयन इकाई समिति प्यूठानका प्रमुख शिबराज पण्डितले बताए । जिल्लामा २४ सय छात्रा र १९ सय ८३ छात्र परीक्षामा सहभागी भएका थिए । जसमध्य शुक्रबार जिल्लाभर ६९ छात्रा र ५१ छात्र गरि १२० जना बिद्यार्थी अनुपस्थिति देखिएको छ । यस वर्ष जिल्लाभर ६ जना अपाङगता भएका बिद्याथीहरु परीक्षामा सहभागीता भएका छन । जिल्लाको प्यूठान नगरपालिका १ खैराको भूवनेश्वरी मा बि मा अध्यनरत न्यून श्रवण शक्ति भएका २ छात्र र ३ छमत्रा गरि ५ जना बिद्यार्थीले पब्लिक वोर्डिङ स्कुलबाट परीक्षामा सहभागिता भएका छन । त्यस्तै उमा महेश्वरी सारीमा अध्यनरत शारीरिक अपाङगता भएका १ छात्रले अमार माबि भिगृबाट परीक्षमा सहभासिगता भएका छन । शिक्षा बिकास तथा समन्वयन इकाइ प्रमुख शिवराज पण्डितले परीक्षा शान्तिपूर्णरूपमा सम्पन्न भएको बताएका छन । कोरोना महामारीका कारण शैक्षिकसत्र २०७७ र २०७६ मा विद्यालयको आन्तरिक मूल्याङ्कनकै आधारमा परीक्षा बोर्डले एसइईको नतिजा सार्वजनिक गरे पनि यस वर्ष भने सामान्य स्वाथ्य मापदण्ड पूरा गर्दै भौतिक उपस्थितिमै बोर्डले परीक्षा सञ्चालन गरेको हो । यस बर्ष देशभरबाट एसइई परीक्षामा ११ हजार ६१५ विद्यालयबाट नियमिततर्फ छात्र एक लाख ५७ हजार ९१४ र छात्रा दुई लाख ५७ हजार ५३ गरी कूल पाँच लाख १४ हजार ९६७ परीक्षार्थी सहभागी भएका छन । दुई वर्षदेखि रोकिएको ग्रेड वृद्धितर्फ ११ हजार ४५४ विद्यार्थी र प्राविधिक धारका २९९ विद्यालयका १४ हजार ५६४ विद्यार्थी पनि एसइईमा सहभागी भएको उल्लेख गर्दै उनले परीक्षामा सबैभन्दा कम मनाङबाट ४३ विद्यार्थी सहभागी भएको जानकारी दिए। यस वर्षको एसइईमा नेपालीले जापानमा सञ्चालन गरेको एक विद्यालयका २० विद्यार्थी पनि सहभागी भएका छन् ।