४५ दिने साङ्केतिक भाषा तालिम सम्पन्न

अनुज पछाई ,प्यूठान । प्यूठानमा ४५ दिने साङ्केतिक भाषा तालिम सम्पन्न भएको छ । बहिरा संघ प्युठानको आयोजना तथा प्युठान नगर पालिकाको सहयोगमा सन्चालन गरिएको तालिम बिहिवार जुम्रीमा सम्पन्न भएको हो। तालिममा प्यूठान नगरपालिका भित्रका १२ जना ब्यक्तिको सहभागीता रहेको थियो । संघका अध्यक्ष टेकन रानाले बताउनुभयो । प्युठान बहिरा संघका अध्यक्ष टेकमान रानाको अध्यक्षता तथा बप्युठान नगरपालिकाका नगर प्रमुख अर्जुनकुमार कक्षपतिको प्रमुख आतिथ्यतामा तालिम सम्पन्न भएको थियो । बहिरा विद्यार्थीहरु र उनिहरुको अभिभावक लाई समेत सहज बनाउनको लागी उक्त तालिम सञ्चालन गरिएको संघका अध्यक्ष टेकमान रानाले बताएका छन । समापन कार्यक्रममा प्रमुख अतिथिको रुपमा सहभागी रहेका प्यूठान नगरपालिकाका नगरप्रमुख अर्जुन कुमार कक्षपतिले बहिरा ब्यक्तिलाई समाजमा अझै पनि नबुझने र हरेक अबसरबाट बन्चित भएको बताएका छन । यस खाले कार्यक्रमले अपाङगता भएका ब्यक्तिलाई अगाडी बडाउन सहयोग गर्ने अपेक्षा ब्यक्त गरेका छन ।