प्यूठान नगरपालिकाले गर्याे ८६ कर्मचारीलाई सम्मान

  अनुज पछाई , प्यूठान । प्यूठान नगरपालिकाले ८६ जना कर्मचारीलाई एक कार्याक्रमको आयोजना गरि सम्मान गरेको छ । प्यूठान नगरपालिकाले नगरपालिका भित्र रहेर आफ्नो कार्य सम्पादन गरेको आधारमा सनिबार सम्मान गरेको हो । कोभिड १९ को बेला उत्कृष्ट कार्य गरेको तथा प्यूठान नगरपालिका बनिसकेपछि नगरपालिकामा कर्मचारीको रुपमा आएर कार्य गरेको आधारमा सम्मान गरिएको प्यूठान नगरपालिकाले जनाएको छ । कार्यक्रममा प्यूठान नगरपालिकाका प्रमुख अर्जुन कुमार कक्षपति , प्यूठान नगरपालिकाका जनप्रतिनिधि तथा कर्मचारीको सहभागिता रहेको थियो । कर्मचारीलाई प्रमाणपत्र तथा दोसल्ला ओडाएर सम्मान गरिएको हो ।