प्युठान।प्युठान प्रहरीले अवैध रुपमा नदीजन्य पदार्थ दोहन तथा उत्खनन् गर्ने, जेसिबी–३, टिप्पर–४ वटा नियन्त्रणमा लिएको छ।अबैध रुपमा नदिजन्य पदार्थ (ढुङ्गा,गिटि,बालुवा,ग्राबेल) दोहन, उत्खनन् गरिरहेको अवस्थमा प्रहरीले जेठ १० र ११ गते नियन्त्रणमा लिईएको हो।
झिमरुक र माडी खोलाबाट अवैध उत्खनन गरिरहेका प्रहरीको गस्ती टोलीले नियन्त्रणमा लिई स्थानीय पालिकालाई बुझाएको छ।झिमरुक गाउँपालिका–७ स्याउलेघारी, वडा–३ साठ्ठीमुरे र प्युठान नगरपालिका–१ भलवाङबाट उत्खननमा संलग्न सवारी नियन्त्रणमा लिइएको जिल्ला प्रहरी कार्यालय प्युठानले जनाएको छ।
झिमरुक गाउँपालिकाले दुईवटै घटनामा संलग्न सवारी साधनलाई १५/१५ हजार रुपैयाँ जरिवाना तिराएको हो। प्युठान नगरपालिकाले भने माडी खोलाबाट नियन्त्रणमा लिएको सवारीलाई ९ हजार रुपैयाँ जरिवाना गरेको छ।
