स्वर्गद्वारी अपडेट ,दाङमा खोलाले बगाउँदा एक जनाको मृत्यु भएको छ भने एक जना बेपत्ता भएको जिल्ला प्रहरी कार्यालय दाङले जनाएको छ । जिल्ला प्रहरी कार्यालय दाङका एसपी वीरबहादुर वलीका अनुसार आफ्नो मामाघरमा रहेका छोराछोरीलाइ लिन जाने क्रममा खैरेनी खोलाले बगाउदा तुलसीपुर उपमहानगरपालिका–१५ निवासी ४८ बर्षिय मदन डाँगीको मृत्युु भएको छ ।
हिजो खोलाले बगाउदा वेपत्ता भएका डाँगीको शव आज बिहान घटनास्थल देखि ३५ मिटर तल फेला परेको जिल्ला प्रहरी कार्यालय दाङले जनाएको छ । त्यस्तै घोराही उपमहानगरपालिका–१०बसोबास गर्ने ५५ बर्षिय कल्लु चौधरी गुर्जे खोला तर्ने क्रममा बेपत्ता भएको प्रहरीले जानकारी दिएको छ ।
दाङमा खोलाले बगाउदा एक जनाको मृत्यु एक जना बेपत्ता
असाेज २० गते २०७९
