थप १८ जनामा कोरोना भाइरस सङ्क्रमण पुष्टि

पीसीआर र एन्टीजेन गरी तीन हजार ६ सय ५१ जनाको नमुना परीक्षण गर्दा १८ जनामा कोरोना भाइरसको सङ्क्रमण पुष्टि भएको स्वास्थ्य तथा जनसङ्ख्या मन्त्रालयले जनाएको छ । यस्तै, थप २५ जना सङ्क्रमित निको भएका छन् । पछिल्लो २४ घन्टामा कोरोना सङ्क्रमणका कारण कसैको पनि ज्यान गएन । अहिले नेपालमा दुई सय ८२ जना कोरोना भाइरसका सक्रिय सङ्क्रमित छन् । यसैबीच पछिल्लो २४ घन्टामा एक लाख २९ हजार ८३ जनाले कोरोनाविरुद्धको खाप लगाएका छन् ।