प्युठान।प्युठान नगरपालिका-४ का लोकमणि भण्डारीले आफ्नो जन्मदिनको अवसरमा पुस्तकालयलाई सहयोग गरेका छन्।प्युठानकै सबैभन्दा पुरानो र महत्व बोकेको रातामाटामा रहेको भानु पुस्तकालयलाई ५ हजार ५ सय ५५ रुपैयाँ सहयोग गरेको हो।
पुस्तकालयमा पुस्तक संकलन तथा थप ब्यबस्थापन गर्ने उदेश्यले सहयोग गरेको भण्डारीले बताए।जन्मदिनमा फजूल खर्चलाई कटौति गर्दै सामाजिक क्षेत्रमा सहयोग गर्नु सकारात्मक कार्य भएको प्रतिक्रिया दिदै प्युठान नगरपालिकाका -३ का वडा अध्यक्ष श्रेष्ठले जन्मदिनलाई परोपकारी कार्य र सामाजिक कार्यमा जोड्न सकेमा सवैभन्दा पुण्य हुने बताए।भण्डारी शिक्षण पेशामा आवद्ध छन्।
